Ils punctins

Ils punctins as drouva ...

• per indicher ün impissamaint resto incumplet.

«Fo per cumand, uschigliö ...»

«Scha tü nu vainst uossa, lura ...»

• per lascher aviert ün impissamaint e creer tensiun.

«Ma inaquella cha'l disch «buzibaus» ­–  mera – giò dal chamin vain üna lungia viera sula sgrischaivla: «Mauuuaauuaauuaaoo ...» (Artur Caflisch, Ils buzibaus, in: Il Canarin, B. v. Guaita, Zuoz 1978, 66)

• per indicher cha s'ho lascho davent qualchosa (que vela surtuot per citats).

«... la pipa cha nos detectiv nu fümaiva brichafat gugent, ma ch'el stuvaiva avair per fer ün plaschair a sieu autur ... (cito tenor Göri Klainguti, Linard Lum, 1988, in: C. Riatsch/L. Walther, Literatur und Kleinsprache, Desertina Verlag, 1993, 178)